Af sprikli...

Ég byrjaði í Fit Pilates á síðasta þriðjudag með Hrafnhildi. Mjög áhugaverð leikfimi, alveg hönnuð fyrir konur og tekur á þeim svæðum sem þarf að taka á, allavega hjá mér! Hins vegar held ég, með fullri virðingu fyrir þeim, að í mörgum æfingum fatti litlu 2ja kílóa kennararnir að maður sé ekki alveg að fara að hálfpartinn standa á haus með eingöngu stóran grænbláan bolta til að styðja sig við eða vera í krabbastöðu... verandi kona í plus size! Það róar mig ekki að segja "Þetta er ekkert hættulegt, þið dettið í versta falli á hausinn" - tja... fallþungi minn og að detta á höfuðið... það er ekkert rosalega góð blanda! En þrátt fyrir þessar nokkru erfiðu æfingar þá er þetta mjög gaman :)

Til þess að útskýra þetta betur hef ég ákveðið að láta fylgja með nokkrar myndir af þeim æfingum sem ég hef ekki getað gert hingað til en mun vonandi eftir námskeiðið geta gert án þess að slasa mig alvarlega...

       

En hins vegar hefur mér tekist þetta:

    

Umfram allt verður maginn á mér stinnur eins og stálplata og rassinn eins og fínasti fótbolti eftir þetta námskeið... að ég minnist nú ekki á vöðvastælt lærin!

Já bíðið bara...

Athugasemdir

[Heiðar Reyr Ágústsson, 2.3.2008 kl. 00:50]

Hvurslags er þetta eiginlega... hannað fyrir konur??? Ég er mikið búinn að spá í að fara í þetta, svona til þess að verða liðugri og liprari!

En ég hef fulla trú á þér Rósa - þú átt eftir að verða eins og Gillz kvenþjóðarinnar!

Svo er það þessi súludansleikfimi - hún er spennandi líka ;)

[Rósa Gréta Ívarsdóttir, 3.3.2008 kl. 13:27]

Já sko Heiðar... þú þarft ekki nema bara að spyrja mig að því, þá skal ég koma með þér í súludansleikfimina, hiklaust!  

En já, þetta fit pilates er rosalega sniðugt upp á liðleika, ég mæli með þessu eindregið!!! Þetta var upphaflega hannað fyrir slasaðar ballettdansara, og jú karlmenn eru líka ballettdansarar... svo go for it!